Wikipedia

Wikipedia (parnunziaa /ˈwikiˑpe:ˌdjɐ/) l'è una enciclopedia líbera e üniversal, dispunibila sül web e scrivüda in culaburaziun intal Internet dai internauti stess druvanda un prugrama líber wiki numinaa MediaWiki.
L'è stada fundada in del 2001 e ghe n'è di versiun in 271 lengu. La version inglesa a l'è la püsee grosa e la Wikipedia in lumbard l'è nasüda in del 2005.
Tücc i Wikipédi insema i riven a püssee da 60 miliun da vísit al dì e l'è vün di des sit püsee visitaa :[1].

Quel articul chì l'è scrivüü in Lumbard ucidental, cun l'urtugrafia ünificada.


El prugett Wikipedia

El fundadur dela Wikipedia, Jimmy Wales, la definiss cumè un "prugett d'enciclupedia liberament distribüibila che ognidün la pò migliurà": una enciclupedia libera dela migliur qualitaa pusibil de fà e de distribüì per ogni persona süla tera in dela sua lengua materna.

Però Wikipedia la vöö migna ufrì infurmazion inedit. Insema a tücc i enciclupedì classich, la presenta cunuscenz gemò recugnusüü: i laurà persunai e urugunai i poden migna truà acuglienza.

Carateristich

Wikipédia a l'è custrüida sü cinch pilastri fundamentai:

  • Wikipedia a l'è una enciclupedia
  • Wikipedia la tee un punt de vista neutal
  • Wikipedia a l'è püblicada suta licenza libera
  • Wikipedia a l'è un prugett culaburativ e dunca la gh'ha un regulament de cundota
  • Wikipedia la gh'ha minga regul fiss.

Nutazion

  1. Funt (IT) Alexa.com.

Vus curelaa

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.