წმინდა ფრანსისკო ხავიერი
წმინდა ფრანსისკო ხავიერი
პირადი მონაცემები
დაბადების თარიღი 7 აპრილი, 1506
გარდაცვალების თარიღი 2 დეკემბერი, 1552
ეროვნება ესპანელი
რელიგია ქრისტიანობა

წმინდა ფრანსისკო ხავიერი (ესპ. Francisco (de) Javier; დ. 7 აპრილი, 1506 —- გ. 2 დეკემბერი, 1552) — ესპანელი, ქრისტიანი მისიონერი და „იესოს“ საზოგადოების დამფუძნებელი. კათოლიკური ეკლესია მიიჩნევს, რომ ის იყო ყველაზე წარმატებული მისიონერი ქრისტიანულ სამყაროში.

მოღვაწეობა

წმინდა ფრანსისკო ხავიერი ავრცელებდა თავის სარწმუნოებას და ბევრი ადამიანი მონათლა ქრისტიანად. მან მთელი თავისი ცხოვრება გაატარა შორეულ ქვეყნებში. 1541 წელს პაპმა პავლე III ის გააგზავნა პორტუგალიაში, რათა ყველასათვის გაეცნო თავისი საზოგადოება, 1542 წელს მოგზაურობდა ინდოეთში, როგორც „სამოციქულო საყდრის დესპანი“. მან ინდოეთის ქალაქ გოაში დაჰყო სამი წელი, სადაც უამრავი ვიზიტი ჰქონდა სამხრეთ ინდოეთში მცხოვრებ მოსახლეობასთან და ასევე მეზობელ ქვეყნებთანაც. 1547 წელს შეხვდა იაპონელ მისიონერს კაგოშიმას, რომელთანაც სპეციალურად იმოგზაურა მალაკის ნახევარკუნძულზე. ამის შემდეგ წავიდა იაპონიაში, სადაც რამდენიმე თვე გაატარა. 1548 წელს კი ისევ ინდოეთში დაბრუნდა და აქტიურად შეუდგა თავისი მისიის შესრულებას.

გარდაცვალება

წმინდა ფრანსისკო ხავიერმა სიცოცხლის ბოლო წლები ჩინეთში გაატარა. 1552 წლის 21 ნოემბერს ერთ-ერთი შეხვედრის დროს გონება დაკარგა, რის შემდეგაც სრულიად უგონოდ იყო. 2 დეკემბერს კი, 42 წლის ასაკში გარდაიცვალა კუნძულ მაილენდზე. თავდაპირველად ამ კუნძულზე დაკრძალეს, შემდეგ კი 1553 წელს გადაასვენეს ლონდონის წმინდა პავლეს ტაძარში, ხოლო სამუდამო განსასვენებელი ჰპოვა ინდოეთში, ქალაქ გოაში.

რესურსები ინტერნეტში

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.