Таптаһыы туһунан уус-уран айымньыга

  •  

...Ол буолаат,
Дьороҕойдук куустуһа түспүттэр,
Хапсаҕайдык хатыйса түспүттэр,
Ымсыылаахтык ыксары ылсыбыттар...
Оботуран туран
Уураһан чупчуруспуттар,
Сытыырхайан туран
Сыллаһан сырылатыспыттар,
Таарымталанан туран
Таптаһан татакайдаспыттар.
Онтон сотору үлүгэр
Оҕо үөскүүр оонньуутун
Олохтообутунан барбыттар,
Киһи кэлэр кэскилин
Тэрийбитинэн барбыттар,
Саха салаллар дьаһалын
Сабаҕалаабытынан барбыттар...

  Өксөкүлээх Өлөксөй,Төрүү илигиттэн түҥнэри төлкөлөппүт. Ырыа-хоһоон. Якутскай, Саха сиринээҕи кинигэ издательствота:1978, С.155
  •  

...Ахтар айыыһыт күүһэ
Алыс даа буолар эбит -
Ымсыырыспыт барахсаттар
Ыксаласпытынан бардылар,
Ийиэхсит ийэ күүһэ
Илэ даа буолар эбит -
Сырбаҥ-татай уотунан
Сыллаһан сыыбырҕаттылар,
Сыстыһа оонньоотулар,
Уохтара харыар диэри
Умайа турар уотунан
Уураһа сыттылар...

  П.А. Ойуунускай. Дьулуруйар Ньургун Боотур. Дьокуускай, 2003. С.32
This article is issued from Wikiquote. The text is licensed under Creative Commons - Attribution - Sharealike. Additional terms may apply for the media files.