• ...好多現代常用嘅機械都可以想像成有限狀態機？
• ...插花（圖）係一種表現出花嘅活力同自然美嘅視覺藝術？
• ...舞蹈喺古代嗰陣好多時都有宗教性嘅作用？
• ...三維打印呢種技術源自 1980 年代？
• ...有一啲以貓做主題嘅咖啡廳，叫做貓咪咖啡室？
• ...除左心理諮商外，重有哲學諮商處理日常生活中所遇到嘅煩惱？
• ...青銅雕呢種雕塑可以追溯到去公元前 3,200 年嘅兩河流域文明？
• ...研究人類社會過去一切問題在內嘅科學叫做歷史學？

• 美國總統選舉，拜登當選總統、賀錦麗當選副總統。
• 因應疫情，人大常委頒令將香港立法會選舉推遲一年，而坊間多數相信延期嘅真正目的係因為如期選舉嘅話泛民主派會贏到議會控制權。
• 黎巴嫩首都貝魯特黃昏嘅時候碼頭貨倉發生大爆炸（圖）。死傷人數不停咁增加。到而家有七十幾人死亡，同四千幾人受傷。政府話可能係有成差唔多三千噸嘅易燃嘢冇跟安全手則亂咁擺。但係美國總統話有可能係恐怖襲擊。
• 人大常委兜過香港立法會直接頒佈香港國家安全法。英國首相宣佈中方違反中英聯合聲明。
• 北韓炸咗開城工業地區嘅兩韓聯絡辦公室，朝鮮半島形勢又惡化。
• 武漢肺炎大爆發蔓延到全世界，已經有9828萬人確診，至少210.9萬人病死。
• 英國終審法院裁定1970年代北愛爾蘭政府違法禁錮新芬黨領袖傑利亞當斯，並撤銷亞當斯嘅越獄案底。
• 面書新成立嘅全球獨立監督委員會（The Oversight Board），負責獨立處理 FB 同 Instagram 有拗撬嘅內容。

遊戲分析（Game analytics）指運用量化性量度監察一隻電子遊戲入面發生嘅事，用意在於幫遊戲營運者攞數據，用嚟做遊戲營運相關決策。例：有隻網上遊戲，遊戲製作組將遊戲程式編成曉紀錄遊戲世界入面每個地點有幾多玩家到訪；隻遊戲出咗街之後，佢哋發現遊戲世界有某個地點零舍唔受歡迎（少玩家到訪），於是就更新，更改嗰個地點嘅設計，等嗰個地點有趣啲。

1月28號：

• 1813年：英國作家珍·奧斯汀嘅小說《傲慢與偏見》第一次出版。
  
• 1932年：日本軍隊由上海租界向閘北一帶進攻，遇到中國國民革命軍第十九路軍嘅抵抗，一二八事變爆發。
  
• 1958年：丹麥樂高集團為樂高積木申請專利。
  
• 1977年：轟動香港嘅朱坤江集團販毒案宣判，朱坤江夫婦各判監30年。
  
• 1986年：美國挑戰者號穿梭機喺甘迺迪太空中心發射後第73秒解體（圖），7名太空人死。
  

上幾日：1月27號 – 1月26號 – 1月25號