法国

法国,官方名字叫法兰西共和国,是一个发达个西欧国家,也是西欧面积顶大哥国家。国家面积有56万平方公里,東北面受到德意志文化个影响,南面个大部分地区来勒地中海边浪属于南欧范围。

République française
法兰西共和国
国旗 国徽
国家格言:自由、平等、博爱(Liberté, Égalité, Fraternité)
国歌马赛曲 (La Marseillaise)
自然地理
(实际管辖区)
首都巴黎(Paris)48° 51’ 39’’ N, 2° 20’ 43’’ E
最大城市 巴黎,Paris
面积
  • 国土面积:675 417平方公里
  • 水域率:0.26%
时区 +1 (夏令时+2)
人民生活
官方语言 法语
人口
  • 总人口:64 804 551 人(2005年)
  • 人口密度:93,59 人(2005年)/km2
政治文化
国家领导人:
  • 国家元首总统):弗朗索瓦•奥朗德
  • 政府首脑总理):让-马克•埃罗
主要节日 国庆日
  • 国庆节:7月14日
  • 经济实力
    货币单位 欧元
    国家资料
    国家象征 高卢雄鸡
    国际域名缩写 .fr为主,.gp, .mq,.cat, .gf, .re, .pm, .yt, .tf, .wf, .pf搭.nc用勒勒海外属地,.eu搭其他欧洲国家一道用
    国际电话区号 33

    法国,搭其他大个欧洲国家弗一样,并弗是一个民族联合体,伊拉南部搭北部个居民,东部搭西部个居民差别侪老大。法国个形成,是通过以巴黎为中心个法兰西岛,通过法国国王个兼并战争搭中央集权,以及1789年法国大革命之后个推普消灭当地文化个政策,强行扭转形成个。所以,法国也是欧洲帝国主义顶浓,顶类似内亚帝国个国家。渠历史浪、文化浪个首都是巴黎(老早是另外一个城市凡尔赛)。法国是下头几个组织个成员:欧洲议会欧盟欧元区申根协议国联合国安全理事会拉丁国家联盟经济合作发展组织法语国家组织西方八国集团等。

    渠个价值取向搭渠个建国基础是民主人权。拒绝国家人民当中有任何个中介,并拿迭个作为理由,打压天主教搭各地方个语言。

    法国也是北大西洋公约组织成员国,弗过因为对美国个主导地位有反对,立在1960年代之后,有相当长一段辰光退出北约。为维持自家个大国地位,法国也有核武器,但是一直勒进行反对核武器扩散个努力。

    法国是典型个资本主义国家,渠经济奉行资本主义经济,但是勒第二次世界大战之后,国家也开始对经济进行有目的个调控,居可以帮法国赢得世界浪个竞争。但是连续个改革也引起近三十年国家自由主义个蔓延。到2012年,左翼法国社会党候选人奥朗德上台,推行左翼政策,导致法国经济长期萧条。

    文化浪,法国是迪卡尔主义国家,而且是启蒙运动个摇篮。启蒙运动后来引发法国大革命美国革命。法国大餐世界有名,法国艺术驰名全球,法国人生活方式别具特色。

    法国一般畀认为是欧洲顶顶执行语言打压政策个国家,法语强行立在交关历史浪弗讲法文个地区推广。法国人强行塑造法语个“优越性”,自家声称法文是世界浪顶顶“优美”个语言。弗过,伊拉个语言政策除脱拿老早各地个语言灭脱之外,并嘸停止法国人乃朝学习英文个热潮。实在是一个讽刺。

    历史

    法国历史顶早要追溯到公元之前个高卢人,这些部落是凯尔特人个一个分支,使用青铜器,拥有部落社会到封建社会过渡个组织形态。到公元前50年左右,先后被凯撒击败,高卢地区也成为罗马共和国行省。

    罗马帝国辰光,高卢人文化发达,充分吸收南面个拉丁文化,来勒马赛等地,拉丁文化彻底扎根,这也让这些地方成为罗马帝国核心个文明地区。北部个环境弗大一样,因为气候条件等原因,更加多保存老早个凯尔特传统。

    公元5世纪辰光,一个日耳曼部落进入现在个法国地区,搭当地个高卢人罗马人发生融合,形成现在法国北部民族个祖先。到8世纪,法国来勒图尔战役,抵挡住回教入侵,到9世纪,法兰克王国个国王查理曼大帝积极扩张,又建立搭罗马教会个关系,加冕并建立查理曼帝国

    查理曼死脱之后,伊个孙子拿帝国瓜分,个当中个西法兰克王国逐渐发展成后势来个法国。

    中世纪辰光,法国分裂成封建领主个领地,法国国王只拥有巴黎搭周围一小块地方(一般叫做法兰西岛)。经过几百年国内搭国外个战争,尤其是英法百年战争之后,国王个权力得到加强,民众也认可国王高于各地贵族个权威。近代意义上个法国才开始定型。

    法国国内个君主权利来勒15世纪之后逐渐增强。到波旁王朝辰光,达到顶峰,太阳王路易十四连年发动战争,让法国夺取神圣罗马帝国交关土地。成为东到阿尔卑斯山莱茵河个西欧大国。

    1789年,法国爆发革命,到19世纪初,拿破仑上台,建立法兰西第一帝国,先后击败普鲁士奥地利西班牙荷兰,解散神圣罗马帝国,成为欧洲霸主。弗过到1812年,拿破仑远征俄罗斯帝国失败,1815年滑铁卢战役后,被迫被流放。

    19世纪个法国政权弗大稳定,几个帝王轮番登场。到1871年普法战争失败后,法国保皇派争执不定,共和派趁机稳定国家,之后虽然有波动,弗过一直是一个共和国。

    现代意义浪“法国”个由来

    法兰西亚 原来指个是辣欧洲北部, 主要拨自称为法兰克个德意志战士民族占据个搿块土地。搭廿一世纪个Maghreb还有“巴尔干”一式样,法兰西亚是一个地理搭社会学浪个概念,弗是一个政治浪个概念。法兰克民族头一个要算好战,渠俚选出一个头头儿叫法兰克国王,个个侪要听渠命令去打仗。人侪自由人个价值取向等同于“战争”,最后,“法兰克”搿个词语(法文:franc)变成功“自由”(法文:libre)个同义词。

    渠俚当时采用个是封建体制

    1204年,“法兰西亚”搿个词语,头一趟表示法兰克国王(当时是法国菲利普2世)发挥权力个地方。国王自封“法兰西国王”。

    十六世纪头浪,公共事务搿个概念勒垃罗马帝国倒脱之后逐点出来哉。1499年,大英帝国安娜搭仔法国国王路易7世个婚姻约定里向规定仔皇室财产、领地;还有伊俚后辈何分财产,甚至继任者。

    也是勒垃搿个辰光开始仔国家个萌芽。十六世纪之前,国王一例勒垃到处跑,从来弗勒一个住处住超过几个星期。实际浪搿种方式对中央集权呒好处个。

    法国大革命制定1789年人权宣言搭仔别个事件,但是仍是理论浪个概念。真正让法国人意识到伊俚是属于法兰西民族个是几趟大战:拿破仑战争法德1870年战争第一次世界大战第二次世界大战等等。廿世纪末,全球化带拨法国交关经济问题,使得法国人更加有一种民族意识(当然勒别个欧洲国家也一样个)。

    地理

    法国本土勒拉西欧,但是渠有交关海外属地,而且搿星海外属地个行政地位分好几种。勒欧洲外头个有:北美洲大小安的列斯群岛南美洲印度洋大洋洲等等。渠搭邻国有2970公里个边境线,一龙总有8个邻国:西班牙 (650 km), 比利时 (620 km), 瑞士 (572 km), 意大利 (515 km), 德国 (450 km), 卢森堡 (73七三 〧〣 km), 安道尔 (57〥〧 km), 摩纳哥 (4,5 km)。勒法属圭亚那,搭巴西有580 km,搭苏里南有520 km。勒大小安的列斯群岛圣马丁岛大约匝有10,2 km边境线,该岛分别拨法国搭荷兰控制。 最后一部分是:法国宣称个Terre Adélie (属于法属南方、南极洲领土(简称TAAF)]])勒到澳大利亚宣称主权个南极洲范围里向。

    法国个样子像一只“六边形”,四面靠海,分别是北海芒什海峡(或者叫英吉利海峡),大西洋地中海,搿种地理位置使得法国勒欧洲成为文化搭交流个中心。 (法国人欢喜打比方:欧洲个十字路口)

    法国地形地貌复杂,咦有西部、北部个平原,咦有东南部个阿尔卑斯山脉,还有西南部个比利牛斯山脉阿尔卑斯山个法国部分有西欧最高个山峰博朗峰,有4810米高。其他还有山区:中央高地汝拉高地孚日高地等,该星地方植被茂密。法国也有河流纵横交错。主要有卢瓦尔河罗纳河 (发源勒瑞士)、加龙河 (发源勒西班牙)、塞纳河、一部分莱茵河、一部分马斯河、一部分摩泽尔河,还有索姆河维莱讷河 等等自家形成河谷个河流。

    疆域扩张

    乃朝法国文人鼓吹个所谓天然边界实际浪是伊拉事后发明个产物。立在中世纪大部分辰光当中,法国个边界侪立在罗纳河个西面,并嘸乃朝有名个法国城市:里昂马赛斯特拉斯堡。即便是西面个布列塔尼,也是立在文艺复兴开始辰光才通过联姻吞并个。此外,法国南面个奥克语地区,也存在大量弗听巴黎明令个封建领主。乃朝法国个边界,是16世纪之后,通过交关趟数侵略其他国家,强制同化获得个。个当中,就包括意大利战争三十年战争权力置换战争法国大革命第一趟世界大战。因为中央集权搭鼓吹国族国语,法国对大部分新殖民地区个统治立在欧洲算老成功个。乃朝个里昂马赛,本土语言文化几乎消失,侪自认为是正宗个法国人哉。只有因为地理位置偏远搭历史原因造成个科西嘉布列塔尼阿尔萨斯地方稍许有眼地方意识。法国人为自家个疆域大骄傲,一直以为自家是欧洲顶顶强大个国家。

    政治

    法国是欧洲顶中央集权个国家,伊拉个政治特点是单一制共和立宪制半总统制。现在个法国是历史高头个第五共和国。是1958年阿尔及利亚危机后通过宪法组成个。是一个中央集权个政府。伊拉个制度是下头个副样范个:

    法国总统

    法国总统,是法国个国家元首,有老大个权利,能够任免总理,主持内阁会议搭颁布法律。也是国家军队个总司令。總統是通过法国全国公民个普选出来个,每五年选一趟,要经过两轮投票。法国总统来勒战争辰光拥有更大个权利,这些权利,也是戴高乐改革个成果。所以,法国个总统,可谓是实际意义高头个法国君主哉。

    弗朗索瓦•奥朗德先生是法蘭西共和國个第二十四任總统,是一个左翼社会党人,到现在还没有结婚,弗过调过好几任女友,还有交关未婚生育个子女。伊来勒2012年5月15日正式上任。

    法国总理

    总理是行政机关个负责人,通过国民议会里向个多数党组成聯合政府,並且推舉一人做總理,通过法国总统个任命。成为政府个首脑,根據1958年个法國宪法第8條,總理有权利任命政府内阁个其余人员。也拥有对政府运作个决定全力。因此,占据多数党地位个政党,经常推选总理,搭总统形成对立。弗过,总统选举改革之后,这种可能性已经比较小哉。

    讓-馬克•艾羅是现任法国总理。伊是来勒2012年5月17日被弗朗索瓦•奥朗德任命為現任法國总理个。

    法国参议院

    迭个组织是法国个上议院,一共有348名參議員(在2010年席次由321席增至348),參議員通过一個選舉機構選舉出来,任期原本是9年,到2004年9月以後,參議員的任期从9年縮減到6年,並且權力受到削弱,每2年就要调脱三分之一个參議員;,参議院个立法職能也受到限制;當兩個議會意見不同時,國民議會擁有最後裁个決權,因此参议院成为一种象徵性组织,基本是为成功人士做荣养用个。

    国民议会

    法国个国民议会,是1789年三级会议个继承组织,也是國家顶高个立法機關,目前一共有577名議員,每名議員代表一个独特个选区。国民议会个成員通过老百姓直接选举产生,任期为5年。国民议会权利比较大,可以通过对总统个弗信任案,或者拒绝政府个施政纲领,让政府向总统提出集体辞职,弗过无权弹劾总统。

    人口

    法国大约匝有6千3百万人(2006年),占世界人口个1%左右。从1801年起,定期个国家人口普查就开始哉,2004年,普查变成永久性个哉。

    法国人口增长是欧洲国家里向最活跃个。人口出生率高出欧洲平均水平,另外移民注入也是人口增长个原因之一。从1990年代开始,法国个人口增长就主要来自非洲个移民,尤其以信仰伊斯兰教个北非人搭塞内加尔、马里人为主。

    年龄金字塔浪可以看出来:21世纪开始,老龄段慢慢教增长,居是因为寿命预期比原来长,顺带婴儿潮搿代个人侪开始老哉。

    法國城市

    • 艾克斯Aix-en-Provence
    • 亞眠Amiens
    • 昂杰Angers
    • 亞維儂Avignon
    • 波爾多Bordeaux
    • 第戎Dijon
    • 格爾諾伯勒Grenoble
    • 勒阿弗爾Le Havre
    • 里爾Lille
    • 里昂Lyon
    • 馬賽Marseille
    • 梅斯Metz
    • 蒙貝利耶Montpellier
    • 米路斯Mulhouse
    • 南錫Nancy
    • 南特Nantes
    • 尼斯Nice
    • 尼姆Nîmes
    • 巴黎Paris
    • 漢斯Reims
    • 雷恩Rennes
    • 盧昂Rouen
    • 聖艾提安Saint-Etienne
    • 史特拉斯堡Strasbourg
    • 土魯斯Toulouse
    • 凡爾賽Versailles

    能源

    法国是美国之后第二大核电生产国。 法国电力生产方式分布图[1] :

    精神世界


    目前来讲,法国是宗教教育分离社会,箇浪子么,国家弗允许通过政府手段来调查宗教信仰。但是,有一个组织叫法国高等视听委员会(简称CSA)每3年侪要研究调查。2004年,弄18068个人作问卷,调查垃如下结果:

    另外2004年4月份,法国民意调查学机构(IFOP)宣布:44 %个法国人弗相信上帝;但是勒1947年,搿个数据是20 %。

    法国天主教

    法国来勒历史高头一直是一个天主教国家,来勒5世纪法兰克人个国王克洛维皈依天主教之后,法就成为天主教向其他日耳曼部落传播个中心。来勒历史高头顶有名气个查理大帝,就是通过罗马教宗加冕个。到11世纪,法国成为十字军东征个主要发起国,伊拉个国王就亲自参与第三次东征。15世纪,法国有宗教冲突,但天主教还是战胜胡格诺派,到17世纪之后,法国慢慢开始拿宗教搭政治分开来,弗过,国王家族搭宗教还是联系老紧密。路易十三辰光个红衣主教就是法国个首相。到18世纪,世俗文化开始占上风。1789年个法国大革命把天主教老大哥打击,老多个教堂被拆毁。19世纪天主教经历复兴,向外头派遣交关传教士。弗过世俗化个浪潮却来勒加快。二战之后,天主教社会开始崩溃,法国弗信宗教个人口每年侪来勒增长,箇当中大部分侪是老早信天主教个法国白人。到今日,法国天主教已经来勒人口当中少于一半。交关教堂没有人去,礼拜率老推板。引发教廷老大哥担忧。


    法国回教

    因为历史高头个原因,法国现在有交关非洲个回教移民,伊拉出生率邪气高,有自家有自家个社区。所以人口繁殖老快。现在法国个回教人口已经超过500万,相比其他宗教群体,穆斯林个宗教积极性更加高,一到礼拜五,这些穆斯林就会聚集到各地个清真寺进行礼拜,经常因为人数太多,拿当地个道路也占脱。这也是伊拉显示自家力量个方式。来勒社会浪向,回教对贫民也有老大个吸引力。一些底层个法国白人也改信回教。比方讲有名个球星里贝里就是一个信回教个白人。法国个穆斯林对法国社会强迫伊拉世俗化表示邪气弗满意,经常威胁要攻击反对伊拉个人。伊拉来勒政治高头侪支持法国个左派,因为左派倡导个多元文化能提供高福利养伊拉,还可以通过政治正确个口号扩张伊拉个宗教势力,拿反对伊拉个群体定义为新纳粹。因为社会融合出现比较大个问题,回教人口犯罪率一直邪气高。来勒2005年,巴黎就爆发规模老大个回教移民骚乱。2014年针对极端宗教组织ISIS个调查当中,法国有超过两成个年轻人支持伊拉个举动,这里向大部分侪是穆斯林

    法国佛教

    因为老早殖民越南个关系,法国从19世纪晚期开始有佛教存在。到20世纪,佛教发展比较快,华人移民增加搭藏传佛教来勒白人当中个传播,让法国拥有西欧顶大个佛教人口。

    文化

    法国长期个专制传统,让伊拉个宫廷文化丰富多彩,古老而且多样,里向反映伊自家个特点,还有各个时代移民个影响。伊个首都巴黎,一例是文化中心之一,集中仔交关艺术家、艺术品,其中卢浮宫是伊个顶顶大个博物馆。

    Lumière兄弟勒里昂发明电影之后,搿种第七类艺术(电影)就扬名海内外,现在是欧洲唯一可以搭美国个好莱坞对抗个。

    法国发明了带薪假期搭仔一周35小时工作制。法国人还有一天欧洲遗产日,因为伊俚晓得人弗是为做生活而活勒勒个。

    相对来讲,法国个地方文化就受到交关压制,发展也弗好。

    语言

    法国拿法语作为官方语言,一直来勒国内进行强制推广搭教育,法语也是法国现在所有公共场合唯一允许使用个标准语言。弗过从历史高头看,法国从来就弗是一个单一语言个国家,到1789年个大革命辰光,国内还有超过一半个人口弗讲法文。其中就包括布列塔尼人普罗旺斯人奥克人阿尔萨斯人科西嘉人等。伊拉个语言来勒19世纪搭20世纪侪受到强制压迫,会讲母语个人口越来越少。法国政府对此个态度也是所有欧洲国家当中顶严苛个,伊拉到现在还没有承认欧盟个少数语言保护法案。弗承认境内语言个地位,这就让语言保护有更加多个困难。另一方面,法国人又生怕英文抢夺伊拉老早具有个国际地位,一直来勒有意识个弗讲英文,声称箇浪做是来勒保护母语,这些举动,侪让法国个语言政策具有相当个矛盾搭双重标准个味道。

    法国节假日
    日期名字备注
    1月1号 新年 新年头一天
    复活节前夕耶稣受难日 宗教假期(主要是法国北部三个省个假期)
    复活节礼拜个第二天 复活节礼拜一 复活节(天主教搭仔基督教个宗教节日)
    5月1号劳动节 纪念美国为“一天8小时”工作制游行;一般勒法国有交关工会游行
    5月8号 胜利日 纪念二战欧洲战场德国投降(1945年)
    5月22号 废除奴隶日 只有勒辣法属马提尼克
    复活节40天后个礼拜四基督升天日 宗教节日
    复活节后第七个礼拜天搭仔接下去个礼拜一 五旬节 也叫圣灵降临日
    7月14号国庆节 纪念1790年7月14号联邦节,伊本身也是纪念1789年攻占巴士底狱
    8月15号圣母升天日 天主教节日,庆祝马莉娅升天
    11月1号 万圣节天主教教堂所有圣人个节日
    11月11号 1918年停战 纪念1918年签署停战协议,一战结束
    12月20号留尼汪岛废除奴隶制度纪念日留尼汪岛个节日
    12月25号圣诞节基督诞辰
    12月26号圣埃蒂安(圣诞节第二天)法国北部三个省个节日

    其他

    人类发展指数(HDI) : 173国家里向12名,参考2000年人类发展指数国家排名;177国家里向16名,参考2004年人类发展指数国家排名搭仔2005年人类发展指数国家排名

    人类发展指数25年进展[2]
    19751980198519901995200020022003
    发展指数 0,8520,8670,8800,9020,9190,9290,9320,938

    人类贫穷指数 (HPI-2) :17个发达国家里向排第8

    (35名,19名(2004),勒5年里向倒退24名)

    参考文献

    1. L'énergie en France, édition 2005, page 8.
    2. http://web.archive.org/web/20031117162959/www.undp.org/hdr2002/hdi.pdf

    外部链接

    联合国安理会成员国
    常任理事国
    中国 - 法国 - 俄罗斯 - 英国 - 美国
    任期到公元2006年12月31号终止个非常任理事国
    阿根廷 - 丹麦 - 希腊 - 日本 - 坦桑尼亚
    任期到公元2007年12月31号终止个非常任理事国
    刚果 - 加纳 - 秘鲁 - 卡塔尔 - 斯洛伐克


    经济合作发展组织(OECD)

    成员国: 澳大利亚 | 奧地利 | 比利时 | 加拿大 | 捷克 | 丹麦 | 芬兰 | 法国 | 德国 | 希腊 | 匈牙利 | 冰岛 | 爱尔兰 | 意大利 | 日本 | 大韩民国 | 卢森堡 | 墨西哥 | 马耳他 | 荷兰 | 新西兰 | 挪威 | 波兰 | 葡萄牙 | 斯洛伐克 | 西班牙 | 瑞典 | 瑞士 | 土耳其 | 英国 | 美国


    北大西洋公约组织 (NATO)
    比利时 | 保加利亚 | 加拿大 | 捷克 | 丹麦 | 爱沙尼亚 | 法国 | 德国 | 希腊 | 匈牙利 | 冰岛 | 意大利 | 拉脱维亚 | 立陶宛 | 卢森堡 | 荷兰 | 挪威 | 波兰 | 葡萄牙 | 罗马尼亚 | 斯洛伐克 | 斯洛文尼亚 | 西班牙 | 土耳其 | 英国 | 美国
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.