Ecolodjeye

Syince

L' ecolodjeye, c' est l' syince ki parpinse les racwitaedje inte les sacwès vicantes eyet ki dit comint c' k' ele sont distribouwêyes pattavå ene sawice e plaece eyet nombe. Ele situdeye les loyéns inte li monde vicant (biocenôze) eyet l' monde fizike, nén vicant (biotope). Les deus eshonne fijhèt l' ecosistinme. L' ecolodjeye situdeye les floûs d' enerdjeye eyet d' matire ki tournèt pattavå l' ecosistinme.

Politike

Li mot ecolodjeye est ossu eployî po lomer on movmint politike ki s' bat pol proteccion d' l' evironmint eyet li diswalpaedje sins distrure l' evironmint. Ådjourdu on cåze sovint d' ecolodjeye po tot c' ki toûne åtoû d' l' evironmint.

Sacwants hagnons Wiki a vey avou l' ecolodjeye

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.