Гуырдзыстон

Гуырдзыстон кæнæ Гуырдзы (гуырдз. საქართველო, [сакартвело]) у Кавказы æрдæгпрезидентон республикæ. Йæ конституцимæ гæсгæ цы зæххытæ хъуамæ ахса, уыдон цæгаты æмарæн сты Уæрæсеимæ, скæсæны Азербайджанимæ, хуссары Сомихимæ æмæ Туркимæ æмæ ныгуылæны та сын ис Сау денджызмæ ахизæн. Фæлæ уыцы зæххытæй Хуссар Ирыстон æмæ Абхаз кæм сты, уыдонмæ йæ арм нæ дары. Хуссар Ирыстон ис Гуырдзыстоны сидт зæххыты астæуæй, Уæрæсейы æрдыгæй. Абхази та ис йæ сидт зæххыты ныгуылæнæрдыгæй. Гуырдзыстоны хицауады сæйраг сахар у Тбилис (Калак), кæцы, иу милуанæй фылдæр цæрæгимæ, у бæстæйы стырдæр сахар. Йæ закъондæддæг тыхты сахар та у Кутаис. Гуырдзыстоны сидт зæххыты фæзуат у 69 700 квадратон километр, кæдонæй армдард сты 57 200[1]. Цæры дзы 4,5 милуан адæймаджы. Кæд географион æгъдауæй Гуырдзыстоны фылдæр хай Азимæ хауы, уæддæр культурон, экономикон æмæ политикон æгъдауæй Европæмæ арæх цæуы хаст. Гуырдзыстон тырны НАТО æмæ ЕЦ-ы уæнг суын.

Гуырдзыстон
საქართველო
Тырыса Герб
Девиз: «Тых у иудзинады (гуырдз. ძალა ერთობაშია)»
Гимны ном: «Сæрибар (гуырдз. თავისუფლება)»
Хæдбар сси 1991-æм азы 9 апрелы Советон Цæдисæй
Æвзаг гуырдзиаг
Сæйраг сахар Тбилис (Калак)
Стырдæр сахартæ Тбилис (Калак), Кутаиси, Батуми
Хицауиуæджы хуыз Президентон республикæ
Президент
Премьер-министр
Парламенты спикер
Саломе Зурабишвили
Мамука Бахтадзе
Ираклий Кобахидзе
Фæзуат 69 700 км²
Цæрджытæ
• Бахыгъд (2018)
• Сфыст (2014)
Æнгомад

3 825 600 ад.
3 713 804 ад.
65 ад./км²
ÆМП
• Æдæппæт (2014)
• Иу адæймагмæ
дунейы 110-æм
37,209 млрд. $
9 1722 $
Валютæ лари
Интернет-домен .ge
Телефонон код ++995
Сахатон таг UTC+4
Бæстæйы у декретон рæстæг

1991-æм азы онг — Советон Цæдисы Гуырдзыстоны Советон Социалистон Республикæ.

Бæстæйы президент у Саломе Зурабишвили.

Административон дих

Хуссар
Ирыстон
Рацъ-Лечхум æмæ
Дæллаг Суан
Дæллаг Картли
Мидæггаг
Картли
Мегрели
æмæ
Уæллаг
Суан
Сау денджыз

Административон æгъдауæй Гуырдзыстоны сконд у ахæм:

Уыдонæй Абхази у, йæ хæдбардзинад ын дыууæ паддзахады кæмæн банымадтой, ахæм ног паддзахад. Уыцы дихмæ гæсгæ Имерет, Цхета-Мтианети, Рацъ-Лечхум æмæ Дæллаг Суан æмæ Мидæггаг Картлимæ цы зæххытæ хауынц, уыдоныл лæууы æндæр ахæм паддзахад — Хуссар Ирыстон.

Географи

Гуырдзыстон бынат кæны Фæскавказы. Бæстæйы фæзуат у 69,700 км² (Абхази æмæ Хуссар Ирыстон дæр нымайгæйæ). Гуырдзыстоны ис цалдæр стыргомау цæугæдоны — Къуар, Ингур, Риони æмæ æндæртæ.

Истори

1800-æм азы уæды Гуырдзыстоны бæстæтæй иу барвæндонæй бацыдис Уæрæсейы Империйы скондмæ. 1810-æм азы Имерет дæр бацæуын кодтой Уæрæсемæ. Гуырдзиаг зæххытæ баиу сты, фæлæ гуырдзиаг паддзахад ууыл фæци.

Фæстæдæр, Уæрæсейы революци куы æрцыдис, Гуырдзыстон расидти хæдбардзинад, цалынмæ Сырх Æфсад йæ нæ бакодта социалистон паддзахады скондмæ.

Дин

Гуырдзыстоны цæрджыты фылдæр хай сты растуырнæг чырыстæттæ.

Культурæ


Фиппаинæгтæ

  1. Æнæ абхаз æмæ Хуссар Ирыстонæй.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.