Мокша (журнал)

«МОКША», литературно-художественнай и общественно-политическяй журнал. Ушедсь лисендема мокшень кяльса 1928 кизонь март ковста Пензаса. 1931 кизоста сявомок — Саранск ошса. Лисенди весть ковти. 1932 кизоти лемневсь «Валда ян», 1941 кизоти — «Колхозонь эряф»; 1941 — 1956 кизотнень журналсь ашезь ноляв; 1956 кизоста сявомок — «Мокша». Журналса печатлафтольхть Т.А. Кирдяшкинонь, И.М. Девинонь, М.Л. Сайгинонь романцна, В.И. Виардонь, В.Н. Радинонь повестьсна, З.Ф.Дорофеевонь, М.И.Безбородовонь стихсна и поэмасна и лама лия произведения. «Мокша» журналса печатлакшневихть ётафтфста Россиянь поэттнень и прозаикнень произведениясна, омба масторонь авторхнень сёрматфсна. Журналсь шарфни оцю мяль финно-угорскяй народонь литературатнень ёткса соткснень кемокстамаснонды. Казьф «Почётонь Знак» орденца (1979).

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.