Fiji Hindi Wikipedia
Ii ek free jankari de waala Encyclopedia hae

Isme koi bhi likhe sake hae
Fiji Hindi Wikipedia me abhi 9,800 article hae.

Index:    1 2 3 4 5 6 7 8 9 A B C D E F G H I J K L M N O P Q R S T U V W X Y Z
Vibhag
Fiji       Fiji ke Hindustani       Fiji Hindi       Fiji me football      Girmit      Parrhai likhai    Dunia ke des    Dunia ke log    Dunia ke itihass    Science aur technology     Jaruri article
  Fiji Hindi Wiktionary

Aaj ke featured article

Syria, 6th jahaaj rahaa jisme girmitya logan ke India se Fiji lawa gais rahaa, lekin Fiji me ii ek chattan pe charr gais rahaa. Syria, 13 March 1884 ke 497 girmitya logan ke lae ke Calcutta chhoris. 11 May ke, Suva se 4 mile duur ii Nasilai Reef be charr gais aur 49 log mar gain. Nasilai gaon ke Kaiviti logan, girmitya logan ke bachae me madat karin rahaa. Baad me 11 aur logan ke ii ghatna ke experience ke kaaran maut hoe gais rahaa. Ii Fiji ke itihass me sab se kharaab sea disaster rahaa. Syria, 207.7 feet lamba aur 1,010 ton garrhu loha ke banaa, paal waala jahaaj rahaa. Iske 1868 me Nourse Line ke khatir William Pile of Sunderland banais rahaa. Ii jahaaj ke naam Karnataka me Syria Nadii se aais hae. Fiji aawe se pahile iske West Indies me girmitya logan ke lae jaae khatir kaam me lawa jaawat rahaa.(aur...)

Aap janta hai...

Ratu Cakobau
  • 1875 ke measles epidemic, jisme 20% Kaiviti logan mar gae rahin, ke Fiji me failae waala, Ratu Cakobau aur uske dui larrka logan rahin jon ki March 1875 me Sydney se ghuum ke lauta rahin.
  • 1879 se lae ke 1916 tak, 42 jahaaj, 87 trip me 60,553 girmitya logan ke lae ke Fiji se aais rahaa. Isme se 45,439 log Calcutta se aur 15,114 log Madras se jahaaj me charrhin rahaa.
  • Fiji ke Legislative Council ke pahila Hindustani member Badri Maharaj rahaa, jiske Governor nominate karis rahaa aur jon 1917 - 1923 aur 1926 - 1929 tak Council ke member rahaa.
  • Fiji me pahila football competition Nasau Park, Levuka me 1924 me, Cession ke golden jublee celebrate kare ke time, chhe Kaiviti team ke biich me Ricarnie Cup khatir, khela gais rahaa.
  • Fiji ke Hindustani ke army me join kare ke khatir, 1934 me Indian Platoon banawa gais rahaa lekin iske 1940 me disband kar dewa gais rahaa.
  • Royal Air Force ke khatir fighter plane kharide ke khatir, 1943 me ek Fighter Fund suruu karaa gais rahaa, aur ii paisa se nau fighter aur paanch bomber kharida gais rahaa. Ek fighter ke naam Fiji Indian Fighter rahaa.
  • Fiji Trade Union Congress se pahile Ami Chandra, 1950s me Fiji Industrial Workers Congress suruu karis rahaa.
  • Fiji ke 1997 ke constitution me English aur Kaiviti ke saathe Hindustani ke Fiji ke official language banawa gais rahaa.

Taaja khabar

  • 15 August - Lautoka ke Churchill Park me Rewa, Suva ke 1 -0 se harae ke 2020 Battle Of Giants, ke jiit liis. Aur Ba Nadi ke 2 - 1 se harae ke tiisra place me rahaa.
  • 9 August - Bahut din se Ba ke Mayor, 1972 se 1977 tak Parliament ke member aur Fiji ke High Court ke judge, Kishore Govind ke maut Sydney, Australia me hoe gais.
  • 29 June - Savusavu me SODELPA ke annual general meeting me, ek barraa kaiviti ratu, ii bolis ki NFP aur FLP 'vulagi' (mehmaan) ke party hai.
  • 27 June - Fiji Trades Union Congress ke general secretary, Felix Anthony ke employee contract ke baare me jhuuta baat bole ke aarop me giraftaar karaa gais .
  • 12 May - Lautoka ke Churchill Park me Nadi, Suva ke 2 -0 se harae ke 2019 Fiji FACT ke jiit liis.
  • 26 December - Fiji me paida bhae, California ke polise, Ronil Singh ke ek driver jiske uu rokais rahaa, bandook se daag ke aar diis.
2017 ke Archive

Aaj se sau saal pahile, 2020 me...

  • 1 January - Baaki sab girmit ke cancel kar dewa gais aur girmit ke system ke ant hoe gais.
  • 9 January - Fiji ke Executive Council decide karis ki Fiji ke Hindistani ke dui jan ke Legislative Council me chune ke mauka de ke chaahi.
  • 19 January - Fiji ke Southern Division me Hindustani log harrtaal kare ke suruu kar din.
  • 13 February - Hindustani log ke ek jhund, jon ke Suva jaae ke kosis karat rahaa, ke Police aur Army Samabula Pul pe rokis. Poice goli chalais aur ek Hindustani maara gais aur dher ke chot lagaa.
  • 13 March - Commission on Cost of Living, aapan report Governor ke diis, jisme majduur ke talab barrhae ke sifaaris karaa gais.
  • 27 March - Manilal Doctor ke Fiji se deprt kar dewa gais.
  • May - Sadhu Vashist Muni Fiji aais.
  • 7 June - S.S. Ganges - Reptriate karaa gais girmitya logan ke lae ke India lauta, jiske se 844 Calcutta me aur 303 Madras me utrin.
  • 17 October - Nadi ke Andrews School ke head teacher, N. B. Mitter, Saru, Lautoka me Fiji Indian Labour Federation ke suruwaat karis.
  • November - Sarkar ii baat maanis ki Sadhu Vashist Muni, Hindustani logan ke sikchhaa ke khaatir bahut kaam karis hai.
  • 31 December - 1920 me 4,625 Girmitya logan India laut gain.
Pahile waala saal: 1908 1909 1910 1911 1912 1913 1914 1915 1916 1917

Aaj ke featured chapa

Ghoraiya (Scientific naam: Eleusine indica , English: Indian goosegrass, Wiregrass, Crowfootgrass, Kaiviti: kavoronaisivi, vorovoroisivi) ek rakam ke giras hai jiske weed maana jaae hai. Ii garam des me hoe hai.


Pahile ke featured article: Jaamun Gadraa Choraiya

Duusra bhasa

100,000 +
20,000 +

العربية (Arabic)    Български (Bulgarian)    Bosanski (Bosnian)    Cymraeg (Welsh)    Ελληνικά (Greek)    Eesti (Estonian)    Euskara (Basque)    Galego (Galician)    עברית (Hebrew)    हिन्दी (Hindi)    Hrvatski (Croatian)    Bahasa Indonesia (Indonesian)    Íslenska (Icelandic)    한국어 (Korean)    Latina (Latin)    Lëtzebuergesch (Luxembourgish)    Lietuvių (Lithuanian)    Македонски (Macedonian)    Bahasa Melayu (Malay)    Norsk (Norwegian Nynorsk)    فارسی (Persian)    Shqip (Albanian)    Slovenščina (Slovenian)    Српски (Serbian)    தமிழ் (Tamil)    ไทย (Thai)    Tiếng Việt (Vietnamese)    ქართული (Georgian)

1,000 +
100 +
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.