1911

1911 is in gewoan jier dat begjint mei in snein. (Gregoriaanske kalinder foar 1911.) Dit jier makket ûnderdiel út fan it desennium fan 'e 1910-er jierren.

Iuwen: 15e 16e 17e 18e 19e 20e iuw 21e 22e 23e 24e 25e
Jierren: 1906 1907 1908 1909 1910 1911 1912 1913 1914 1915 1916
Kalinders
Gregoriaanske kalinder
 
1911
MCMXI
Ab urbe condita 2664
Armeenske kalinder 1360

ԹՎ ՌՅԿ

Etiopyske kalinder 1903 – 1904
Hebriuwske kalinder 5671 – 5672
Hindoekalinders
- Vikram Samvat 1966 – 1967
- Shaka Samvat 1833 – 1834
- Kali Yuga 5012 5013
Iraanske kalinder 1289 1290
Islamityske kalinder 1329 1329
Juliaanske kalinder
 
Gregoriaansk
min 13 dgn.
Sineeske kalinder 4607 4608

丁戌 – 戊亥

Foarfallen

  • 6 febrewaris - Frankryk fiert in wet yn dy't it begryp 'sjampanje' as wêzende in mûssearjende wynsoarte út 'e Sjampanje, sekuer omskriuwt en beskermet.
  • 20 april - Yn Portegal wurdt de skieding tusken tsjerke en steat ynfierd.
  • 20 april - De Agadirkrisis of Twadde Marokkaanske Krisis brekt út as Frankryk sabeare foar de beskerming fan Jeropeeske boargers troepen nei it binnenlân fan it Sultanaat Marokko stjoert. Eins is it de Frânsen te dwaan om Marokko yn harren macht te krijen. Dútslân hat dêr neat op tsjin, mar easket wol territoriale kompinsaasje foar himsels. As Spanje en it Feriene Keninkryk harren ek mei de saak bemuoie, rint it hast út op in grutte Jeropeeske oarloch.
  • 6 maaie - Kening Edwert VII fan it Feriene Keninkryk komt nei in koart siikbêd te ferstjerren.
  • 7 maaie - George V, de twadde soan fan 'e ferstoarne Edwert VII, folget syn heit op as kening fan it Feriene Keninkryk.
  • 25 maaie - Nei súksessen fan 'e rebellen yn 'e Meksikaanske Boargeroarloch stapt diktator Porfirio Diaz op, dy't mei in tuskenskoft fan fjouwer jier al sûnt 1877 oan 'e macht is.
  • 26 maaie - De Dútske Ryksdei kart in wet goed dy't Elzas-Loataringen sawol in grûnwet as in eigen parlemint jout.
  • 31 maaie - De Britske natuerkundige Ernest Rutherford presintearret in nij model foar it atoom, dat ferskate oant no ta ûnopheldere ferskynsels ferklearje kin.
  • 10 juny - De Skouting yn Fryslân set útein.
  • 17 juny - Yn 'e Britske haadstêd Londen wurdt in demonstraasje foar ynfiering fan it frouljuskiesrjocht holden troch 40.000 suffrazjettes.
  • 1 july - De Dútske kanonnearboat de Panther rint de troch de Frânsen behearske haven fan Agadir, yn Marokko, binnen. Hoewol't der gjin skot lost wurdt, is it drigemint dúdlik. De Agadirkrisis nimt dêrtroch soarchwekjende foarmen oan.
  • 7 july - De nije Meksikaanske presidint Francisco Madero hâldt syn triomfantlike yntocht yn Meksiko-Stêd.
  • 24 july - De Amerikaanske wittenskipper en ûntdekkingsreizger Hiram Bingham III werûndekt yn 'e Perûviaanske Andes de âlde Inka-stêd Machu Picchu.
  • 15 augustus - Nei in staking fan tsien moannen geane de mynwurkers yn Wales wer oan it wurk.
  • 10 augustus - Under druk fan 'e aartsbiskop fan Canterbury en kening George V fan it Feriene Keninkryk stimt it Britske Hegerhûs yn mei in wet dy't it fetorjocht fan it Hegerhûs opheft.
  • 21 augustus – De Mona Lisa fan Leonardo da Vinci wurdt stellen út it Louvre yn Parys.
  • 14 septimber - By in operafoarstelling yn Kiëv wurdt de Russyske premier Pjotr Stolypin fermoarde troch in Joadsk lid fan 'e Russyske geheime tsjinst.
  • 19 septimber - Reade Tiisdei: by de plechtige iepening fan 'e Steaten-Generaal op Prinskesdei hâldt de SDAP yn De Haach in demonstraasje foar algemien kiesrjocht dêr't 20.000 minsken oan meidogge.
  • 29 septimber - Itaalje falt de Osmaanske gebietsdielen Tripolitaanje en de Syrenaika binnen: begjin fan 'e Italjaansk-Turkske Oarloch.
  • 7 oktober - Yn Nederlân wurdt troch de oanname fan 'e wizige Arbeidswet berne-arbeid foar bern ûnder de tolve jier ferbean, útsein yn 'e agraryske sektor.
  • 10 oktober - Yn Sina begjint de Sineeske Revolúsje of Xinhairevolúsje, wêrby't Pu Yi, de lêste keizer fan 'e Qing-dynasty, ôfset wurdt en de Republyk Sina útroppen wurdt.
  • 4 novimber - De Agadirkrisis wurdt freedsum oplost as Frankryk en Dútslân in oerienkomst slute. Dútslân akseptearret dêrby dat it Sultanaat Marokko in Frânsk protektoraat wurdt ûnder de namme Frânsk-Marokko, yn ruil foar Nij-Kameroen, in diel fan 'e Frânske Kongo dat no by Dútsk-Kameroen komt te hearren. Dy koloanje kriget dêrtroch tagong ta de rivier de Kongo. Spanje wurdt tefredensteld mei in brede stripe lân yn it noarden fan Marokko, dy't de koloanje Spaansk-Marokko komt te foarmjen.
  • 10 novimber - By de werovering fan Nanjing op 'e rebellen rjochtet it Sineeske keizerlik leger in bloedbad oan.
  • 28 novimber - De Meksikaanske boerelieder Emiliano Zapata presintearret it Plan fan Ayala, wêryn't in yngripende lânherfoarming regele wurdt.
  • desimber - Russyske troepen dogge in ynfal yn Perzje om in ein te meitsjen oan 'e tanimmende Amerikaanske ynfloed yn dat lân.
  • 1 desimber - De Nederlânske natuerkundige Heike Kamerlingh Onnes ûntdekt it ferskynsel supergelieding.
  • 11 desimber - De Britske kening George V makket yn Britsk-Ynje de ferdieling fan Bingalen yn West-Bingalen en East-Bingalen ûngedien en ferpleatst de koloniale haadstêd fan Kalkutta nei Delly.
  • 14 desimber - De Noarske ûntdekkingsreizger Roald Amundsen berikt as earste minske de Súdpoal en ferslacht dêrby syn Britske rivaal, Robert Falcon Scott.
  • 29 desimber - It Keninkryk Mongoalje ferklearret him ûnôfhinklik fan Sina.

Berne

  • 6 febrewaris - Ronald Reagan, presidint fan 'e Feriene Steaten († 2004)
  • 25 maart - Jack Ruby, Amerikaansk krimineel, moardner fan Lee Harvey Oswald († 1967)
  • 25 april - Wiert Berghuis, Frysk politikus en fersetsstrider († 1989)
  • 1 maaie - Hotse Bartlema, Frysk roeier († 1987)
  • 8 maaie - Robert Johnson, Amerikaansk sjonger en muzikant († 1938)
  • 19 maaie - Annie M.G. Schmidt, Nederlânsk berneboekeskriuwster († 1995)
  • 27 maaie - Hubert Humphrey, Amerikaansk politikus († 1978)
  • 16 july - Ginger Rogers, Amerikaansk aktrise en dûnseresse († 1995)
  • 22 augustus - Enric Valor i Vives, Falinsiaansk ferteller en taalkundige († 2000)
  • 23 augustus - Albert Alberts, Nederlânsk skriuwer en oersetter († 1996)
  • 3 novimber - Kick Smit, Nederlânsk fuotballer († 1974)
  • 20 novimber - Halbe Sikkes Doele, Frysk oersetter en frisiast († 1967)
  • 11 desimber - Naguib Mahfouz, Egyptysk skriuwer en Nobelpriiswinner († 2006)
  • 25 desimber - Gryt Doele-Bokma, Frysk fersetsstrydster († 1996)
__SUB_LEVEL_SECTION_2__

Ferstoarn

  • 20 jannewaris - Hugo Suringar, Frysk útjouwer (* 1834)
  • 1 maart - J.H. van 't Hoff, Nederlânsk natuer- en skiekundige en Nobelpriiswinner (* 1852)
  • 18 maaie - Gustav Mahler, Eastenryksk komponist (* 1860)
  • 9 oktober - Lucius Columba Murray Bakker, Frysk dokter en skriuwer (* 1822)
  • 25 oktober - Klaas Jeltes Hornstra, Frysk bestjoerder (* 1846)
  • 29 oktober - Joseph Pulitzer, Amerikaanske sjoernalist en krantemagnaat (* 1847)
datum ûnbekend
  • Hugo von Tschudi, Eastenryksk-Switsersk keunsthistoarikus, museumdirekteur en konservator (* 1851)


Jierren: 1906 1907 1908 1909 1910 1911 1912 1913 1914 1915 1916
Iuwen: 15e 16e 17e 18e 19e 20e iuw 21e 22e 23e 24e 25e
__SUB_LEVEL_SECTION_-1__
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.