Salomon ben Isaak

Salomon ben Isaak - hebree רבי שלמה יצחקי [Rbi Slmh Icĥki], ankaŭ jide Schlomo Jizchaki [Ŝlomo Jicĥaki], Schlomo ben Jizchak [Ŝlomo ben Jicĥak] aŭ Schelomo ben Isaak [Ŝelomo ben Isaak], francigite Chlomo ben Itzhak, latine Salomon Isaacides, sed ofte nomata laŭ la akronimo RaŜI (רש"י‬) por Rabi (jide Rebe, esperante rabeno) Ŝlomo ben Icĥak (naskiĝis en 1040 en Troyes; mortis la 5-an de aŭgusto 1105 samloke) estis franca rabeno kaj signifa komentisto de la Tanaĥo kaj Talmudo. Li estas unu el la plej signifaj judaj kleruloj de la eŭropa mezepoko kaj la plej konata biblia kritikisto entute. Lia biblia komentaro ĝis la nuntempo studiĝas kaj represiĝas en la plej multaj presitaj eldonoj de la Tanaĥo, kaj lia komentaro pri la babilona Talmudo ankaŭ en ĉiuj presitaj eldonoj de ĝi aldoniĝas al la teksto. Li signife ankaŭ impresis kaj influis kristanajn biblia kritikistojn. Inter la jaroj 1055 kaj 1065 li studis en la tiutempe tre renomaj jeŝivoj de la sinagogo de Majenco kaj sinagogo de Worms en la duklando Frankonio de la Sankta Romia Imperio. Post reveno al sia hejmurbo li pli flegis la kontaktojn kun la frankaj judaj kleruloj ĉe la Rejno, kaj en 1070 malfermis sian propran jeŝivon en Troyes.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.