Sudáfrica

Sudáfrica
Republiek van Suid-Afrika
Republic of South Africa
IRiphabliki yaseNingizimu Afrika
Bandera de Sudáfrica Escudu de Sudáfrica
Lema nacional !ke e: ǀxarra ǁke (/Xam: «Xunidá na diversidá»)
Himnu nacional L'Himnu nacional de la República Surafricana
Alministración
Nome oficial Republic of South Africa
Republiek van Suid-Afrika
Repubblica Sudafricana
République d'Afrique du Sud
República de Sudáfrica
Repubblika tal-Afrika t'Isfel
Capital Pretoria, Bloemfontein y Ciudá del Cabu
Forma de gobiernu república parlamentaria y democracia representativa
Presidente de Sudáfrica Jacob Zuma
Presidente de Sudáfrica Jacob Zuma
Llingües oficiales inglés, Afrikaans, ndebele del Sur, Sesotho sa leboa, sesotho, suazi, tsonga, Tsuana, venda, xhosa y zulú
División
Xeografía
Coordenaes 29°S 24°E / -29, 24Coordenaes: 29°S 24°E / -29, 24
Superficie 1221037 km² (puestu 23)
% agua Despreciable
Costes 2.500 km
Llendes - km
Llenda con Namibia, Botsuana, Lesothu, Zimbabue, Suazilandia y Mozambique
Puntu más altu Mafadi
Demografia
Población 55 445 000 hab. (2017)
Densidá 45,41 hab/km²
Economía
Moneda rand sudafricano
PIB nominal 350 085 020 840 (2014)
PIB per cápita 5723,97
Más información
Dominiu d'Internet .za
Códigu telefónicu +27
Códigu ISO 710 / ZAF / ZA
Estaya horaria UTC+02:00, UTC+03:00 y Africa/Johannesburg
www.gov.za

Sudáfrica[1], oficialmente la República Sudafricana, ye'l país más meridional del continente africanu. La so llende meridional ye una llínia costera de 2.798 km de llonxitú que marca l'estremu sur d'África, y que ta bañada polos océanos Atlánticu ya Índicu[2][3][4]. Amás, llenda al norte con Namibia, Botsuana y Zimbabue, al este y noreste con Mozambique y Suazilandia, y tien dentro de sigo un enclave que forma'l reinu de Lesothu. Sudáfrica ye, colos sos 1,221,037 km2 d'estensión, el país más grande del África Austral y el 25u mayor del mundu. La so población, de cerca de 56 millones d'habitantes, conviértelu nel 24u más pobláu. El 80% d'ellos son de raza negra y tienen orixe africanu, y pertenecen a ún de los munchos grupos étnicos qu'habiten el país. Falen una gran variedá de llingües, de les que nueve tienen calter oficial[4]. El restu la población fórmenlo individuos d'orixe étnicu européu, asiáticu o indiu, amás de coloured (grupu étnicu racialmente heteroxéneu con ancestros europeos, asiáticos y de delles tribus de los grupos bantú y joisán).

Sudáfrica ye una sociedá multiétnica na que conviven bayura de cultures, llingües y relixones. Esta pluralidá tien reflexu na so Constitución, que reconoce once llingües oficiales, más que dengún otru país del mundu. Dos d'elles son d'orixe européu: l'afrikaans, deriváu del holandés, que ye la primera llingua de la mayoría de los sudafricanos de raza blanca y coloured; y l'inglés, que fora llingua oficial de l'alministración colonial y ye la llingua más usada na vida pública y nos negocios, magar que namái ye la 14ª llingua por númberu de falantes como primera llingua[4]. El país ye ún de los pocos del continente qu'enxamás sofrió un golpe d'estáu, y tien habío elecciones de forma regular dende fai casi un sieglu. Por embargu, la gran mayoría de la población, la de raza negra y orixe africanu, nun tuvo derechu al votu hasta 1994. Demientres el sieglu XX esta población lluchó pa recuperar los sos derechos, monopolizaos pola mayoría de raza blanca dende que en 1948, tres de la independencia, el National Party impuso l'apartheid, un réxime políticu qu'institucionalizaba la segregación racial. Tres de décades de llucha, delles veces violenta, dirixida pol Congresu Nacional Africanu y otros grupos anti-apartheid de dientro y fuera del país, les lleis discriminatories empezaron a ser abolíes a partir de 1990.

Dende 1994 tolos grupos étnicos y llingüísticos tienen representación política nel país, organizáu como una república parllamentaria y sodividíu alministrativamente en nueve provincies. La so economía ye la segunda mayor d'África, y la 34ª mayor del mundu, y el so productu interior brutu per capita ye'l séptimu mayor del continente. Pesie a ello, la pobreza y la desigualdá son ablucantes, con cásique un 25% de la so población en paru y sobreviviendo con menos de 1,25 dólares al día[5]. El país, sicasí, ye una mediana potencia, con una influyencia política rexonal significativa[6]


Referencies

  1. Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
  2. «South African Maritime Safety Authority». South African Maritime Safety Authority. Consultáu'l 16 June 2008.
  3. «Coastline». The World Factbook. CIA. Consultáu'l 4 d'abril de 2018.
  4. 1 2 3 «South Africa Fast Facts». SouthAfrica.info (Abril 2007). Archiváu dende l'orixinal, el 19 de xunetu de 2008. Consultáu'l 4 d'abril de 2018.
  5. South Africa's Unemployment Rate Increases to 23.5%. Bloomberg. 5 de mayu de 2009. https://www.bloomberg.com/apps/news?pid=20601116&sid=aoB7RbcZCRfU. Consultáu el 4 d'abril de 2018.
  6. Cooper, Andrew F (10 d'avientu de 2007). "Lessons from/for BRICSAM about South-North Relations at the Start of the 21st Century: Economic Size Trumps All Else?". International Studies Review 9 (4): 675, 687. doi:10.1111/j.1468-2486.2007.00730.x.

Enllaces esternos


África
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue

Dependencies: Islles Kerguelen | Mayotte | Reunión | Sáḥara Occidental | Socotra | Tromelin

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.