ৰোগ

ৰোগ (ইংৰাজী: Disease) হৈছে এক বিশেষ ধৰণৰ অস্বাভাৱিক অৱস্থা, কোনো গঠন বা ক্ৰিয়াৰ বিসংগতি, যি কোনো জীৱৰ কোনো এটা অংশ অথবা সমগ্ৰ জীৱটোক প্ৰভাৱ পেলায়। ৰোগ সম্পৰ্কীয় অধ্যয়নক ৰোগবিজ্ঞান বোলে। ৰোগ বুলিলে প্ৰায়ে বিশেষ লক্ষণ আৰু চিহ্নযুক্ত চিকিৎসা সম্বন্ধীয় পৰিস্থিতি বুলি কোৱা হয়। ৰোগ সাধাৰণতে বাহ্যিক কাৰকৰ বাবে হয়, বা কিছুমান ৰোগৰ কাৰণ আভ্যন্তৰিণো হ'ব পাৰে। মানুহৰ ক্ষেত্ৰত ৰোগ শব্দটো প্ৰায়ে, ভূক্তভোগী অথবা তেওঁৰ সম্পৰ্কত থকা জনৰ বিষ, বিকাৰ, দূঃচিন্তা, সামাজিক সমস্যা, বা মৃত্যু আদিৰ দৰে ব্যাপক অৰ্থত ব্যৱহৃত হয়। এই বহল অৰ্থত, কেতিয়াবা আঘাট, বিসংগতি, অক্ষমতা, লক্ষণ, সংক্ৰমণ, গঠন আৰু কাৰ্যৰ বিশেষ ভিন্নতা, অস্বাভাৱিক আচৰণ আদিকো সাঙুৰা হয়। অন্য ক্ষেত্ৰ আৰু উদ্দেশ্যত ৰোগবোৰক বিশেষ শ্ৰেণীবুলি গণ্য কৰা হয়। ৰোগে মানুহক শাৰিৰীক তথা মানসিক ভাৱে প্ৰভাৱ পেলোৱাৰ ওপৰিও আবেগিকভাৱেও প্ৰভাৱিত কৰে, ৰোগে ব্যক্তিৰ সত্বা আৰু ব্যক্তিত্বত প্ৰভাৱ পেলায়।

যক্ষ্মা ৰোগ সৃষ্টিকৰা মাইক'বেক্টেৰিয়াম টিউবাৰকুল'ছিছ নামৰ এবিধ বেক্টেৰিয়াঅণুবীক্ষণিক চিত্ৰ

ৰোগৰ বাবে হোৱা মৃত্যুক প্ৰাকৃতিক কাৰণত হোৱা বুলি কোৱা হয়। ৰোগ প্ৰধানকৈ চাৰি প্ৰকাৰৰ: বীজানুজনিত ৰোগ, অভাৱজনিত ৰোগ, বংশগত ৰোগ, আৰু মানসিক ৰোগ

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.