Escocia

Alba
Scotland
(En detalle) (En detalle)
Lema nacional: In My Defens God Me Defend
(anglés; En a mía esfensa Dios m'esfiende)
Himno nacional: Quantos himnos
Capital
 Población
Edimburgo
448.624
Mayor ciudat Glasgow
Idiomas oficials Anglés, gaelico escocés, escocés
Forma de gubierno
Reina
Primer Menistro
Primer menistro d'o R.U.
Monarquía constitucional
Isabel II
Alex Salmond
Gordon Brown
Establimiento 13 de febrero de 858
Superficie
 Total
Posición º
78.782 km²
Población
 Total
 Densidat
Posición º
5.116.900
64,95 hab/km²
PIB (PPA)
 Total (2006)
 PIB per capita
Posición º
USD 141.000 millons
USD 27.555
Moneda Libra esterlina (£, GBP)
Libra escocesa
Chentilicio Escocés/a
Zona horaria
 en Verano
UTC
UTC+1
Dominio d'Internet .uk
Codigo telefonico ++44
Prefixo radiofonico
Codigo ISO
Miembro de: Reino Unito

Escocia (en gaelico escocés Alba, en anglés Scotland) ye una nación d'o norueste d'Europa y un d'os quatro países constituyents d'o Reino Unito. Ocupa o tercio norte d'a isla de Gran Bretanya y muga a lo sud con Anglaterra. Ye rodiata por o mar d'o Norte a l'este, l'ocián Atlantico a lo norte y l'ueste, y a canal d'o Norte y o mar d'Irlanda a lo sudueste. Antimás d'a parti prencipal d'o suyo territorio bi ha alto u baixo 790 chicotas islas en Escocia.

Edimburgo ye a capital d'o país y a segunda ciudat más gran, estando un d'os mayors puestos financieros d'Europa. A mayor ciudat d'Escocia ye Glasgow que reculle en a suya aria metropolitana, dita o Gran Glasgow (en anglés Greater Glasgow) o 40% d'a población total d'Escocia. En as auguas escocesas de l'Atlantico Norte y o mar d'o Norte se troban as mayors as mayor reservas de petrolio d'a Unión Europea

O Reino d'Escocia estió un estato independient dica l'1 de mayo de 1707 quan con os Actos d'Unión (a tamas d'as grans protestas que hi habió en toda Escocia) s'unió con o Reino d'Anglaterra ta creyar o Reino de Gran Bretanya. Sindembargo, Escocia continó mantenendo o suyo propio sistema churidico, esferencito d'os sistemas d'Anglaterra, Galas y d'Irlanda d'o Norte. Dende o sieglo XIX renaixió un fuerte sentimiento nacionalista, que actualment ye representato por o partito independentista Scottish National Party (Partito Nacional d'Escocia), vencedor por mayoría simpla en as eleccions de 2007 t'o Parlamento d'Escocia y por mayoría absoluta en as eleccions d'o 5 de mayo de 2011,[1] a primera vegata que un partito plega a tener una mayoría aboluta en o Parlamento.

Cheografía

Anque Escocia siga un país relativament chicot, ya que ocupa una superficie de 78.772 km², poseye una cheografía mui variata, que abraca dende as lowlands rurals a las highlands deserticas, o d'as grans ciudatz a las chicotas islas completament deshabitatas.

Os principals archipielagos d'Escocia son as Islas Shetland, as Islas Orcadas y as Hebridas.

Luengas

A luenga oficial ye l'anglés anque en bellas zonas d'o norte y l'ueste se conserva o gaelico y l'anglico escocés.

Toponimia

Escocia prene nombre d'os escotz, piratas irlandeses. En fuents medievals aragonesas no bi ha guaires mencions a Escocia. Una mención la trobamos en o primer libro d'a "Grant Cronica d'Espanya", compilación historica de Chuan Ferrández d'Heredia:

Et bruto hauia conocido carnalme(n)t / ignoge(n) muller suya. & hauia enge(n)drados .iij. nobles fijos clamados / lotrin / albanacto. & kamber. Et ap(re)s de .xx. & .iiijo. anyos que Bruto fue arribado enla ysla murio. Et sot(er)raron lo sus fijos dentro la Ciudat que hauia hedificada / & departiero(n) ent(r)e si el Regno Locrin qui era primogenito / possidio la meitat d(e)la ysla que despues fue dicha por su no(m)bre loegria. Kamber possedio aq(ue)lla partida qui es ultra el Rio de sabrin qui agora es clamada Gaulia / la q(u)al gra(n)t tiempo apres fue dicha kambria porel nombre de kamber por que encara la ge(n)t de aq(ue)lla tierra en le(n)gua bretanica le dizen kambro. mas albanacto qui era(^s) mas iouen possidio la tierra qui en n(uest)ro tiempo es clamada scocia / Emp(er)o grant t(iem)po fue dicha albania / porel nombre de albanacto

Cultura

Simbolos nacionals

  • A bandera d'Escocia, con a cruz de Sant Andreu.
  • O estandart reyal d'Escocia.
  • L'unicorni ye usato a vegatas como un simbolo heraldico d'Escocia.
  • William Wallace, l'heroe nacional d'Escocia y líder en as Guerras Escocesas d'Independencia.
  • O día de Sant Andreu.

Cocina d'Escocia

A cocina d'Escocia comparte muitos platos con a cocina anglesa pero tien unos atributos distintivos así como recetas propias, gracias, belunas d'ellas, a las influencias antiguas estrancheras en comparación con as cocinas locals. Os platos consideratos tradicionals han estato, a vegatas, trayitos antiguament por atros pueblos.

Literatura d'Escocia

A literatura d'Escocia encluye todas as obras redactatas por autors escoceses, ya siga en latín, francés, anglés, gaelico escocés u scots, dende os primers documentos dica l'actualidat.

Enantes d'a cheneralización d'o gaelico escocés y de l'anglico escocés, en o sur d'Escocia bi heba pueblos celtas que parlaban luengas britonicas en continuidat con os que bi heba en o norte de l'actual Anglaterra. Asinas, gran parte de l'antigua literatura galesa fue composata en l'actual Escocia u cerca d'ella.

Relichión en Escocia

Escocia, como a resta d'as nacions europeas, ye tradicionalment cristiana con un 70% de presonas que profesan ista relichión. A Ilesia d'Escocia, tamién conoixita como The Kirk, ye reconoixita por a lei como a ilesia nacional d'Escocia y ye independient d'o Estato en materias espirituals.

Esporte

Os esportes més practicatos son o rugby, y o fútbol estando a competición mes important a Premier League d'Escocia.

Se veiga tamién

  • Reino d'Escocia

Vinclos externos

Referencias


 
Os países d'o Reino Unito
Anglaterra | Escocia | Irlanda d'o Norte | Galas
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.