Slag van Bunker Hill

Slag van Bunker Hill
Deel van die Amerikaanse Rewolusionêre Oorlog

Die dood van generaal Warren tydens die slag van Bunker Hill, deur John Trumbull.
Datum 17 Junie 1775
Ligging Bunker Hill, Boston, Massachusetts
Resultaat Britse oorwinning
Gebieds-
veranderings
Britte neem die Charlestown-skiereiland oor
Strydende partye
Koninkryk van Groot-Brittanje Britse koloniale burgermag
Bevelvoerders
Britse Leër:
William Howe
Robert Pigot
Henry Clinton
Britse Vloot:
Samuel Graves
Israel Putnam
William Prescott
Joseph Warren
Seth Pomeroy
John Stark
Sterkte
2 400 1 500
Ongevalle
Gesneuwel:
19 offisiere
226 soldate
Gewond:
10 offisiere
818 soldate
Totaal: 1073
140 gesneuwel
271 gewond
30 gevang
Totaal: 411
Die Bunker Hill-monument

Die Slag van Bunker Hill het op 17 Junie 1775 plaasgevind en was die tweede slag van die Amerikaanse Rewolusionêre Oorlog. Die Koloniale magte onder beheer van kolonel William Prescott en generaal Israel Putnam het slaags geraak met die Britse Leër onder bevel van majoor-generaal William Howe. Die Britte het daarin geslaag om Bunker Hill te verower, maar met groot verliese.

Agtergrond

Na die Slag van Lexington en Concord was die Britse troepe in Boston feitlik omring deur Koloniale magte. Teen 1775 was die Britse Mag ongeveer 6,000 man sterk. Generaal Thomas Gage het geglo dat beheer oor die hoogtes in die Charlestown skiereiland sy posisie sou versterk het. 'n Informant lig egter die koloniale mag in omtrent die Britse mag se planne en Prescott en Putnam ontplooi op 16 Junie 1775 1,500 troepe op Breed's Hill. Boston was nou binne trefafstand van die koloniale artillerie. Prescott se troepe versterk hulle posisie op die hoër grond terwyl die fregat HMS Lively hulle bestook het met van sy 38-kanonne. Prescott versterk sy linie tot by die kuslyn om seker te maak dat sy flanke beskerm word. Nadat Howe verneem het van die koloniale magte se ontplooiing kry hy ook 1,500 troepe bymekaar om hulle aan te val die volgende dag. Britse troepe word met bote vanaf Boston na Moulton's Point op die suidelike punt van Charlestown afgelaai. Howe beplan 'n aanval in die middel en op die regterflank. In die tussen kry Prescott ook versterkings maar hulle neem posisie op Bunker Hill, die versterkings beskou die posisie op Breed's Hill as te oop.

Die Slag

Generaal Howe lei die eerste aanslag. Hy val eers die linkerflank aan en later die middel van die koloniale linie; die koloniale magte het tipe fort gebou gedurende die nag in die middel van hulle linie. Die Britse Mag val aan in lang lyne, vier man diep. Die koloniale magte lê agter 'n heining wat hulle gebruik as dooie rus en slaan die Britse aanval af.

Die Britte val terug en hergroepeer. Hulle konsentreer hulle fokus op die heining en die fort. Die aanval word egter ook afgeslaan en die Britte val weereens terug. Die koloniale magte se ammunisie begin egter min raak en Putnam vra vir versterkings vanaf Bunker Hill. Min troepe reageer egter.

In die tussen tyd verkry Howe versterkings vanaf die garisoen in Boston en val vir die derde keer aan. Die koloniale magte se ammunisie raak egter op en hulle kan die Britte nie keer nie. Hand-tot-hand gevegte volg. Die Britte se gewere is met bajonette toegerus wat aan hulle 'n voordeel gee. Die koloniale mag val terug en die Britte neem beide Breed's Hill en Bunker Hill oor.

Gevolg van die slag

Die Britte het nou die hele Charlestown skiereiland beheer en kon hulle troepe onttrek uit Boston later in 1775. Die Britte het egter 'n duur prys betaal vir die oorwinng; 226 manne sneuwel waaronder 19 offisiere terwyl 828 persone gewond word. Die koloniale mag verloor 115 man en 305 is gewond. Generaal Henry Clinton self sê: ... a dear bought victory, another such would have ruined us.

Bron

  • Battles. 100 battles that Shaped the World. Parragon Books. 2014. ISBN 978-1-4723-3204-2

Eksterne skakels

Koördinate: 42°22′34.9″N 71°3′38.8″W / 42.376361°N 71.060778°W / 42.376361; -71.060778

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.