Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Venlo - De lóchmach wilt de Luitenant-ginneraal Bestkazerne, de veurmalige basis De Pieël, in de toekóms gaon gebroeke veur traininge. Det beteikent dat d'r twelf F16's dreej kier per jaor veur 'n periode van zes waeke vanaaf de lóchmachbasis meuge traine. Daonaeve blieve de traininge mit helikopters gehandhaaf.

De planne staon in 'nen breef dae Defensie woensdaagaovend aan de Twieëde Kamer versteurde. Defensie wilt de vleegvergönning die de basis noow haet nao 2021 verlenge. Oetgankspunt daobeej is det de hudige geluudszone van de vleegbasis gehandhaaf blief. Of 't geluudsniveau in de zone zal toeneme, kint Defensie nog neet zegge.

Paerdsfokker Inge van der Meer is minder bliej mit de meugelike kóms van de vleegmesjiender. Eur bedrief mit vaertig paerd leet vieftieën kilomaeter van de vleegbasis aaf, midde in 'n oefegebeed. "Dan waere d'r loopings en teste oetgeveurd. Dan schete de paerd in de stress." Zie zuut de kóms van de vleegmesjiender gaar neet zitte. "Dit is Limburg, dit is een paerdprovincie en zoeë profilere ze zich. Provincie, kump op en stank veur dien minse."

De planne bevinde zich in 'n veurtrajek. Veurdet de F16's gaon vlege, mót iers de vergönning van de basis waere verlengd. Det trajek geit noow beginne. Op 26 juni helt Defensie in Venraoj 'n infermasiebeejeinkóms veur umwoeënende en op 1 juli in Gemert.

De kazerne hoesves op 't moment 't "Defensie Grondgebonden Luchtverdedigingcommando" én 'n lóchverdedigingseinheid oet Pruses. In totaal werke dao zoeën 700 luuj.


Brónne



Dit artikel besleit nuujs det zich recèntjelik haet aafgespeeldj.

This article is issued from Wikinews. The text is licensed under Creative Commons - Attribution - Sharealike. Additional terms may apply for the media files.