Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 12 julie 2019 - Bie 't Watersjap Limbörg haet me sjrump dore aanhajendje druuegdje. Dore druuegdje is de gróndj hel gewore. Wen 't noe duchtig geit raengere sleit de gróndj ram toe mit watereuverlas es e gevolg. 't Gróndjwater is al gezak toet 75 centimaeter óngere normaal huuegdje; deze lieëge waterstandj kump dore druuegdje van 't veurig jaor.

Veure standj hoger te kriege wuuertj aangeraoje zuniger óm te gaon mit drinkwater door beveurbeildj gei drinkwater te broeke bie 't bespreuje van blomen en plantje, mer ouch door minder en korter te doesje. Op dit memènt is de druuegdje nag e grótter perblieëm es de te kómme watereuverlas bie stortraenge.

De druuegdje zal namelik ouch perblieëmen inne landjboewsektor tewaegbringe. Al saere begin van junie guldj 'n ónttrèkkingsverbód veur water oete baeke; boere kónnen 't landj dus nimmieë bespreuje mit water det me-n oete baek haoltj. Dit zal e groeat gevolg höbbe veure ougsopbrings.

Wiejer kan me-n op dit memènt min doon veure waterstandj trögk op te krikke. De raenge dae zal gaon valle mót haopelikerwies in steegskes vallen en neet drek mit bek oete lóch. Allein wen 't hieëmelwater stilaan vèltj zal 't inne gróndj zakke; wen 't te hel mit te väöl water tegeliek oete lóch vèltj struimp 't namelik dore baeken aaf drek de reveren in nao de zieë en zal de gróndjwaterstandj neet hoger waere.

Brónne


Dit artikel besleit nuujs det zich recèntjelik haet aafgespeeldj.

This article is issued from Wikinews. The text is licensed under Creative Commons - Attribution - Sharealike. Additional terms may apply for the media files.