Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Venlo - De pliesie haet woensdaagaovend vief manne, waorónder 'ne 64-jäörige oet De Grashook en ein vroumes opgepak in 'n groeët ónderzeuk nao drugshandel.

De Limburger woort opgepak in 'n hennepkwekerie in zien woeënplaats. De pliesie waas 'n femilie op 't spaor die zich bezig zoel halde mit d'n handel in softdrugs in Helmónd en umgaeving.

Mit bekans hónderd specialiste van de pliesie, gemeinte Helmónd, Belastingsdeens en Defensie woorte op mierder adresse doorzeukinge gedaon, ónder mier op 'n woeënwagelkamp in Helmónd.

D'r woort gezóch nao verborge ruumdes en door de gemeinte woort ónderzeuk verrich nao fraude mit oetkieringe. Oetintelik woort op verscheie locaties in totaal 12.000 euro aan baargeld gevónde. Daonaeve woorte zes auto's in beslaag genómme, same mit de bookhalding.

Naeve de manskaerel oet De Grashook woorte op verscheie locaties in Helmónd en Aste verdachte opgepak. De veer andere manne (47, 44, 41 en 23 jaore ald) en de vrouw van 45 jaore kómme oet Helmond.

Brónne


Dit artikel besleit nuujs det zich recèntjelik haet aafgespeeldj.

This article is issued from Wikinews. The text is licensed under Creative Commons - Attribution - Sharealike. Additional terms may apply for the media files.