Catto affamate

Le catto reguarda le refrigerator.
Le catto ha fame.
Le catto sempre ha fame.
Le catto besonia alimentos.
Le catto sape que il ha alimentos in le refrigerator.
Dunque, le catto reguarda le refrigerator.

Quando es lunch?

Puera: Que hora es?
Matre: Es dece horas del matino.
Puera: A un hora del postmeridie, nos mangiara nostre lunch.
Matre: Si, un hora post meridie, nos va lunchar.
Puera: Quante tempore ante lunch?
Matre: Tres horas, cara.

Le claves

Sposo: Esque tu sape ubi es mi claves?
Sposa: No. Io non ha vidite tu claves.
Sposo: Diabolo! Io non pote trovar los ubicunque!
Sposa: Esque tu ha probate le tabula?
Sposo: Si, io ha probate le tabula.
Sposa: Esque tu ha mirate super le television?
Sposo: Si, io ha mirate super le television.
Sposa: E in tu tasca?
Sposo: Ah... Gratias!

Spaghetti pharmaceutic

John: Salute! Como sta tu?
Anya: Salute! Ben, gratias. E tu?
John: Anque ben. Que face tu?
Anya: Io va al pharmacia pro comprar un poco de spaghetti.
John: In le pharmacia?!
Anya: Es spaghetti special. E tu?
John: Io... debe... vader rapidemente... foras. Ciao!
Anya: A revider! Hehehe!

Antoine e le blonda

Antoine: Heri vespere io incontrava un blonda.
Catrina: Un blonda, hmm?
Antoine: Si. Bellissime. Tu non sape quanto...
Catrina: E alora..?
Antoine: Illa me dava su numero de telephono.
Catrina: Bon! Tu va telephonar la?
Antoine: No. Io lo ha perdite.
Catrina: Perdite???
Antoine: Io ha mi sonios. Illos suffice.

In un autobus

Ille: *ehem* Excusa me, tu me pare... deprimite.
Illa: No. Io sempre pare assi.
Ille: Vermente?
Illa: *hmph* Le cosas va mal pro le momento. Nihil plus.
Ille: E tu non besonia conversation?
Illa: Io me appella Daniella.
Ille: Ah! Io es Stefan.

This article is issued from Wikibooks. The text is licensed under Creative Commons - Attribution - Sharealike. Additional terms may apply for the media files.